قصه محززنه :(

الجزء الاول

السلآم عليكم و رحمة الله و بركآته ...

أتمنى تكونو ب ألف صحه و سلآمة .. !

.
.
.
.
.

أمممم .. رآح ابدا سرد كلآمي .. بدون مقدمآت





قبل سنتين تقريبا .. بدأت ألقب نفسي .. ب المحطم ..

في منتدى .. او بالمسن .. او ب بلوتوث .. او ... إلخ .. !

ملازمني في كل تحركآآتي ..

كثيرون ..!! يسألون ..

( ليه متحطم ؟؟ ليه متشائم ؟؟ ليه أتشوف الدنيا سودا !! ليه و ليه و ليه ...... )

و أسأله كثيرة وربي أتعب منها ..

و أقول .. لآبد من شي يحطم القلب .. مهما نفيت .. مهمآآ كآآبرت .. الدنيآ تلعب فيهآآ الأقدآر ..

كنت أقول أنا متحطم .. ل سبب معين ..

و أنتم تجهلون السبب !

كتبت هالقصة .. و كتبت الخواطر .. و صورت الصور ..

أبين فيهآآ تقريبآ .. سبب تسميتي ب هذا الاسم ..

و منها .. أفك من أسئلة الكثير .. لمن يعرف شخصيتي .. و لمن لا يعرفها ..

.
.
.
.
.
/ بوح خاطر /

.
.
.

بسآم
........ بسآم
................ بسآم
........................ بسآم


إنسان أحبه بمعنى الكلمه ..
لا ل لمصلحه دنيويه !
و لا لعشق مفرط !
ولا ل تضييع وقت .. وغيرة ..

.. أخ .. أحببته في الله ..
محبة عظيمه .. كبيرة .. ما تقاس ..

أسرني ب حبه و رآح ! و تركني تآيه ب سما عشقه ..

أحبه !
أحبه !
إيه أحبه حب ما ينتهي .. و لو لم يكن موجود !!

.
.

بسآم ..

كل دقة بقلبي .. تنطق أسمك ..
ليتك تسمعها و تشوف مقدار الحب اللي أكنه لك .. و كثر الغلا اللي احمله لك .. ف حشاي ..
نبذة /

بسام .. ولد .. ما تهنى بحياته ..
تمنيت لو المصايب فوقي ولا تكون عليه .. عاش حياة صعبه بالحيل ..
والله لا يسامح .. من كان السبب في تعكير حياته .. و شبابه ..

بسام .. وش اقول عنه .. وش أخلي .. لو بكتب وأكتب .. تخلص الصفحات .. وينشف الحبر .. ولا أوفيه حقه ..
انسان بالنسبة لي .. كامل بحق ! والكامل وجة الله سبحانه ..
واضح .. صريح .. شفاف يبان اللي جوا قلبه .. نصوح .. ماخذ الدنيا على سعة الصدر .. و اهم صفة فيه / التفآئل / كنت أغبطه من جد على هالصفة .. نادر الأن .. اشوف واحد في عز مصيبته يبتسم و يضحك !!
ما أكذب لو قلت أنه مو وفي و صادق !!
لأن الوفا فيه موجود .. و نبع الصدق فيه مخلوق ..

فيه حبابه .. و نقاوه .. و قلبه كبير ..
بالفعل .. كان مثال يحتذى به ...
.
وين ما يروح أسلك معه ..
كل شيء بيننا متقارب .. ذوق و تفكير و أخلاق .. متقاربه ..

بدآية /

بدأنا سنة ثاني متوسط ..
مع بعض .. نروح .. نجي ..
ما نتفارق ..

.
.

يوم ورى يوم ..
الحال من بعضه ..
و الروتين اليومي يتكرر ..

إلى أن جاء اليوم .. اللي بدت فيه معاناة .. الغالي ..

.. في المدرسة ..
في حصة الفرآغ .. كنت أكلمه و مو معي ابدا .. مو من عادته ..
لكن ما سألت .. لين ..
تفاجأت لما لاحظت إصفرار وجهة ..
اسأله : سلامات وجهك مو طبيعي ..
بسام : إيش .. لا يتهيأ لك .. طبيعي 100 %
.... وحاول يبتسم ويمزح ..

مشيت الموضوع ..
لكن وجهه .. معتفس ..
و معبس ..
سألته ثانيه : اسألك بالله قولي وش تحس فيه ؟؟؟
بسام : بطني يعورني إشوي بس ..
تفائلت خير .. إن شاء الله شي خفيف ...
جلس حوالي نص ساعه .. و حاط راسه ع الطاوله ..
و قام فجأه ..
ومسك بطنه و هو يتألم .. و يتأوه و عيينه تدمع ..
صار بوقت واحد فاجأني !
أنا خفت : وش فيييك وش فيه بطنك ؟؟

قال ابطلع .. تعبان بطني يقطعني ماقدر اتحمل ..
انا : اوديك المستشفى ؟؟؟
بسام : تطلع من المدرسة عشاني ..؟ انا بتصل بأي أحد ...
أنا سكت وش أسوي .. أعرفه كلمته وحده ما يغيرها ...

جلست معه لين طلع ..

بعد ما رآح ...
طول الوقت افكر فيه .. ( راح ولا لا ! لا يكون صآر له شي .. الله يستر ،، إن شاء الله إنه بخير .. يمكن مجرد ألم )
وعلى هالحال طاقني الهوجاس فيه ...
رآح اليوم سريع ...
اول ما رجعت البيت اتصل عليه ما يرد ..
خفت زيادة .. اتصلت على آخوه .. قالي نايم ..
سألته : هو بخير ؟؟؟
أخوه : وش بلاك مرتبش معه وهو مكبر المخدة ما درا عنك ..
سكرت عنه ...
ومر اليوم و عديت السالفة ..

بكرا بالمدرسه .. اول ما جلست معه .. سألته وش صار معك .. ؟
بسام : وش فيك مهتم ؟؟
انا : جاوب ع قد السؤال ..
بسام يحرك حاجبه : والله و دريت أني غالي ..
انا سفهته : رحت المستشفى وش صار معك ؟؟
بسام : سويت تحليل يطلع بعد كم يوم .. و أخذت مسكنآت ...

تجيه آلآم بسيطه بس ما بين ...

!!

بعد ما طلع التحليل غاب عن المدرسه وخفت يكون فيه شي ...!

أول ما رجعت اتصلت عليه ..
وبعد السلام والسؤال ..
انا : وش فيك غايب ؟؟ مو من عادتك ..
بسام سكت إشوي : التحليل طلع ..
أنا خفت : وش طلع بشر ..
بسام : صار فيني .. ورم حميد .. لازم عمليه .. بأقرب وقت ....
انا تجمدت .... ما قدرت انطق .. ( وش هالعمليه اللي جت فجأه ! )
جلست فتره ساكت مو مستوعب ..
بسام : ياهو وين رحت ..
( صوته هادي جدا )
انا منصدم : ورم و عمليه ؟ متأكد بسام ؟!
بسام حزن صوته : إيوه تبيني أكذب بهالأمور ...
أنا سكت .. وش اقول ..
بسام : كلها عمليه ان شاء الله بسييطة .. و نسبة نجاحها عالييه ..
انا : لهالدرجه ما أهتميت ..
بسام : وسع صدرك بس ( رافع همومه ) ..
أنا : رايق مدري قلبك مصنوع من إيش ؟؟

.
.
.

سوا العمليه .. ونجحت بفضل الله ...
وقتها كنت ب هم كبير .. خوفي افقدة ...
لكن الحمد لله .. رآحت و رآح معها الهم ..

بعدها بمدة .. رجعنا للمدرسة .. ومثل ما كنا اول .. ولا كأن شي حاصل ..
مر شهر .. وكل شي تمام ..

لكن يوم ورا يوم لاحظت عليه يعرج .. و كل يوم يبان أكثر !
... يعرج من رجله اليمنى ..
استغربت .. لكن كنت أسلك .. ( يمكن طايح عليها أو شيء ) .. حتى كنت أنتظره يقولي السبب لكن ما فكر يجيب لي طاري ...

انا : بسام رجلك مجروحه ؟ او طايح عليها ؟
بسام : لا ..
أنا : أجل ؟؟
بسام : تعورني ولا ادري وش السبب ..
انا : طيب وش بالضبط يمكن شد عضلي .. او تمزق .. او رضوض ؟؟
بسام : لا ما فيها حاجة .. ما طحت عليها ولا شي .. بس لا وطيت عليها .. تعورني .. ما أتوقع شد عضلي يجلس كم يوم ..
انا : روح المستشفى طيب ..
بسام : ويييين لا تكبر الموضوع .. كله ألم بسيط ويروح ان شاء الله ..

انا ما اقتنعت ب كلامه .. يعرج بوضوح كأنه مكسور ..
انتظرت اسبوع .. اسبوعين .. ومافي أي نتائج . !

ما خف الألم .. الا صار العكس .. زاد عليه دبل ..

مريت عليه يوم .. باخذه للمدرسه ..
كان واقف عند الباب ..
وقالي تعال ساعدني ماقدر امشي لحالي ..!
رجله تقريبا ما يحس بها ..
يقول يجيها فتره تعورني بقوة .. ومره تخف ولا كأن فيها شي .. ولا ما يحس فيها ابد كأنها مبتورة ..

أصريت عليه يكشف لو كشف بس ..
لأنه ما يمشي الا متمسك بأحد أو ب جدار او باب او اي شي ..

رضخ للأمر أخيرا ... و كلمت إبوه يقنعه زيادة لأن راسه يابس ..

بعد ما كشف .. أعطوه مواعيد ومسكنات ..
كل ما رآح موعد ..
اسأله / بشششر وش يقولون ..
يقولي ... كل التحاليل .. نتيجتها تكون سليم

إستغرب .. كل هالألم و سليم !

زهق من المستشفيات و تركها ..
كلما رآآح يكون سليم ..

بعد اصرار وحلوف اقتنع يكشف بمستشفيات معروفه وكبيره ..
رآح لكل شي ما خلآ مستشفى إلا وكشف عنده ..
و النتيجه وحده ( سليم )


صار ياخذ مسكنات تخفف الآلم ..
لكن أعرج ...
من يشوفه يقول هذا فيه مرض باتل .. أو هذي خلقته !

مر .. شهر .. شهرين .. ثلاث ..

.
.
.
.
.
خلصت سنة كآمله ..
نجحنا وجبنا مجموع حلو ...
أتذكر نسبتي 91 % كسول
اما بسام 97 % ما شاء الله .. رغم ظروفة الصحية الصعبة .. و آلآم رجله .. الا انه جاب هالمجموع ..

أما عن رجله يجي اوقات تتعافى و يقدر يمشي .. بس الأغلب .. تكون شبه مشلوله .. ولا يمشي .. إلا ب عصا ..

بدينا سنه ثالث متوسط ..
كنت آخذه و نسوي تمارين عشان تخف عليه ..
و فعلآ كانت تخف عليه كثير ..

مر الوقت .. مرت الآيآم ..
و خلصنا الفصل الأول من ثالث متوسط ...
وتعودنا ع الظروف ..

.
.

اتصل علي السآعه 1 الليل ..
كنت وقتها نايم و دآيخ ..
بسام : انا تعبان ..
من سمعت صوته .. قمت مفزوع !
انا : بسام عسسسى ما شر ؟؟؟ وش فيك متصل بهالوقت ؟؟؟
بسام : آسف أزعجتك .. ( و سكرها ) !

حاولت أتصل عليه ما يرد ..
طار النوم ..
صرت أروح واجي .. ماسك أعصابي ...
و أصعب سؤال بهاللحظه ...
[ وش فيه بسام ؟؟؟ ]

تغيب عن المدرسة ..
شلت هم بقوة .. حسيت إنه صار له شي .. أعد الثواني متى تخلص .. عشان اطلع من هالمدرسة و أشوف وش فيه ..

طلعت منها و ل بيته على طول ...
ما أمداني أشوفه .. كان نايم ..

مرت ساعات وانا انتظرة ..
لين أتصل علي ..
رديت على طول
انا : صار لك شي ؟؟؟؟؟؟؟
بسام : سلم اول .. رايق ..
انا أنفعلت : متصل علي أمس الليل تقولي تعبان و تسكرها و تغيب عن المدرسة فجأه بدون لا تقول خوفتني وش فيك ؟؟!
بسام : شوي شوي علي أعصابك ..
أنا رفع ضغطي : رد على قد السؤال ؟؟
بسام : أبد بس كان بطني يعورني ..
أنا حمقت : على كيفك أنت ؟ تخوفني و آخرتها بطنك يعورك .. سخييييف ...
بسام : لا حرام عليك وربي يعورني بقوة .. بغت تطلع روحي ..
انا هديت : لا يكون مثل الورم اللي جاك ؟
بسام : لا تخوفني .. ما أتوقع ..
أنا : طيب نفس الآلام ؟؟
بسام : تقريبا بس أقوى ...
أنا : طلبتك أكشف بأقرب وقت ...
بسام : رآيح اليوم الصباح كاشف .. بيطلع بعد أسبوع ...

.

بعد هالمكآلمه بأسبوع ...
كلمني .. ب هدوء ..


ياترى ايش راح يكووووووون في بسام تابعوني

الجزء الثاني

كشفت و صار ورم متسرطن في بطني .. بسوي عمليه بعد كم يوم إن شاء الله .. يستأصلونه ..
!!
إيش ؟؟؟؟
كل هذا وانا مو مستوعب !
لساني .. انربط .. ضاع الكلام .....
: من جدك ؟؟
بسام : على بالك بتبلى نفسي وأقول فيني السرطآن وحنا نبي العافيه منه .....
انا الصدمه جمدت عقلي ..
أنا : س ر ط ا ا ا ن ؟ ؟
بسام : يقولي .. الدكتور .. ما .. إنتشر ...
ما عرفت أرد : ..........
بسام حسيته انفعل و تسرع : أنا أصلا مخلوق للتعب و الهم من فتحت عالدنيا وانا تعبان ما عمري تهنيت فيها !؟؟!
أنا إستغربت : لا تقول كذا ...
بسام تدارك نفسه : أستغفر الله و أتوب إليه .. الله يكتب اللي فيه الخير ...
انا : وش هالأورام وش السبب ..؟؟
بسام بهدوء : القدر .. إن شاء الله ربك يسهلها .. بس تدعي لي ...
انا : الله يشفيك ويعافيك و يخفف و يرفع عنك ...
وش اقول ماقول غير الله يصبرك ...

.
.

مرت الآيام ..
يوم العملية ..
رآيح جآآي .. دآخل طآلع .. جآلس قآآعد .. ضآربني التوتر من فوق ل تحت .. حآآلتي صعبة ذآك الوقت ...
نجحت العملية .. قبل ينتشر ..
والحمد لله ..
هدت نفسي و إرتحت و رجعت لي انوار الفرح من جديد .. و الشكر لله ..

تعافى ورجعت صحته زي أول ..
لكن رجله اللي على حآلها ..

مرت أيام وأيام ..
وكل شي تمام ..
او على حاله .. إلى ..
نهاية سنة ثالث متوسط ..
بدت رجله اليسرى .. يتألم منها ...
صار لها .. مثل مآ صآر ل رجله اليمنى ...
حاولت معه يكشف ... وضعه مو طبيعي ...!
خفت عليه خوف من بعد الآورام وهالآلم اللي برجله ..
حآلة غريب ! لكن ... قدر الله .. و ما شآء فعل ..
بعد محآولات .. واصرار ..
كشف ..
و نفس النتيجه ....
( سليم ) !

!!

تعب من كل شي .. صار يطنش أي علآج .. لأنه ما يطلع معه بأي نتيجة .. و يقول الشفاء ب يد الله .. ونعم بالله ..
و رغم صعب الظروف .. إلآ أنه متفآآئل .. و مو مهتم ..

راح يقرا عند شيوخ .. لكن ما يفيد .. تخف عليه صح .. لكن نادر ...

مرت فترة .. عايشين الهم .. و حزن ع اللي يصير له ..
تمنيت أشيل عنه التعب لو شويه والله لو أتعب عشانه فداه التعب ..

.
.

حسيت انه يخبي حزنه عننا .. عشان ما ننظر له نظرات شفقة ...

!!

ولا يظهر ضعفة .. بتاتا ..
ل درجة إنو إذا أحتاج ل حاجة أو شيء يجيبه من نفسه من دون ما يأمر أحد ..
أتذكر .. إذا كان يبي حاجه .. ما يأمرني أجيبها له .. هو يقوم من نفسه .. يخدم نفسه بنفسه .. ما يبي يحسسنا بضعفه ...
مع إنه يتعب بالوقفه و الجلسة .. بس ما يأمر أحد ...

هذا طبعه ما يبي أحد يشيل همه .. يبي الكل مرتآح وهذي رآحته مثل ما قآل ..

.
.

أشتدت الآلام ..
المشي صعب ..
الوقوف صعب ..
الجلوس صعب ..
صآر العكآز رفيق له .. يتعب بالروحه و الجيه .. صلآة نادر يصليها بالمسجد ....
حتى الدكتور مستغرب حآلته .. لكنه قآل أنت فيك سبب أو شي ..

حآلآت أحيانا تخف عليه لكن قليل .. ما يمديه يفرح و يتفآئل خير ألا و يطيح منها ..

مرت الليالي .. تعودنا ع هالحال .. لين ..
بدينا أولى ثانوي ..
كل يوم و كل ساعه و كل دقيقه افكر و يجيني إحساس خوف انه بيصير له شي مفاجئ .. مثل الآورآآم .. و آلآم رجليه ..

نحف .. و نقص وزنه .. ما ياكل إلا إذا أشتد عليه الجوع .. ما يسمع لأحد .. همه بقلبه ولا يتكلم ..
أحاول انفه عنه جوه .. يتكلم عايدي و يسولف و يضحك ! لكن الهم مبين بوجهه ... إذا سألته : متضايق تبي شيء .. محتاج شيء ؟
يستغرب سؤالي و يقول انا ما طلبت شي ليه تسأل ؟؟ ما فيني شي شوف الضحكة ...

أي ضحكة ؟!!
ضحكة مزيفة ؟!!

يوم تهدا نفسيته و يوم تنعدم .. لكن ما يبان ك العآدة ..

رغم ظروفه الصعبة جدا .. إلا إنه مجتهد بدرآسته .. و درجآته ممتآزة ..

و مع بعض في هالمرحلة الصعبة .. ملازم له ما أفارقه ..
كنت أحاول ما أخليه يحتآآج لشيء .. و اريحه قدر الإمكآن ..

لكن ع قولة .. راحتي إنك ترتاح ما أتعبك
ما يدري إن راحتي هي إني أشوف الفرح كاسي وجهه و الهم بعيد عنه ..

و تعودنآ ع الآيام ..
و صبرنا ع القدر الصعب ..
ما أعترض ع القضاء .. قدر الله وما يشاء يفعل ..

.
.

جاني بسام للبيت .. صبح الجمعة أنا يوم الجمعه دآئما اكون صآحي الصبآآح .. و جا لي بدون لا يقول ..
استغربت حضورة بالعادة يحجر نفسه في صومعتة غرفته ولا يطلع منها إلا بطلعة الروح ..

أتصل علي ..
بسام : جييتك إفتح الباب ..
أستقبلته بفرح ابدا ما جا في بآلي إنه بيجي .. انوآع الإستفهامات فوق رآسي ..

مر وقت طويل .. ما بين دموع .. و دعاء .. و ذكرى .. أتعب و تغفي عيني دقيقه وأقوم مفزوع و كوابيس و أوهام ..

.
.

قبل الظهر بشوي ..
في غرفتي ..
طايح ع الأرض نص واعي ..

حسيت بأحد يهزني .. يحرك راسي .. و يناديني ..
فتحت عيني واللي ما جفت من الدمع ..
.
إبوي : تسمعني ؟
أنا ركزت : إيه .....
جلسني ..
إبوي : ........
( صراحه ماذكر وش قال بالضبط )
لكن كان يتكلم عن القضاء و القدر وإن الموت .. كل نفس داخله لبابه ..

كنت مررهق و لا أحس بشي من شدة التعب .. أساسا جسمي ضعيف ما يتحمل ..
وطول الوقت دمعي يطيح بهدوء ..

سندني ع صدره و يقرا علي قرآآن ... حسيت ب راحه .. و هدت نفسيتي كثير .. و جسمي سكن من النفاضه ...

إبوي : الصلاة عليه بعد صلاة العصر ...
انا من قال هالكلمه .. شهقت و رجعت دموعي تطييييح بكثره ..
تكلمت بصوت عالي مخنوق : خلاص راح بسام راح ؟؟؟ تكذبون حرام عليكم أرحموني ..

إبوي منزل راسه و ساكت ..

: هو قال لي أجيه أشوفه الإربعاء وربي قال لي شلون يروح وانا ما شفته شلون ... ؟؟؟

دارت علي الدنيا ..
وقف ..
و قال : ترحم عليه هذا الواجب أنك تسويه هاللحظه ...
و راح ...

من طلع جتني دوخه و رجع لي ضيق التنفس من جديد ..
ما قدرت أتحرك .. بداية تشنج .....
تعبت و غفت عيني و لا قاومت ...

.

حسيت بموية أنكبت على وجهي ..
شهقت مروع .. !
و أبوي يسمي علي و يهديني ..
أبوي : كيف صحتك ...
أنا ما رديت بس هزيت راسي .. حتى ما فيني حيل للكلام ..
أبوي : ما بقى شي ع العصر .. فيك حيل تمشي و تتحرك ؟

أنا منهد حيلي و من جد تعبان مقدر أتحرك .. لكن مستحييل .. أبي أروح معهم .. فيني أمل إلى الأن يكون الخبر مكذوب ..

أنا : إي بروح ..
وقفني ..
إبوي : مشينا ...

لبست ثوب وتلثمت بالشماغ .. أخفي ملامحي .. التعبانه ..

في الطريق .. عيوني دمعها سكيب .. أشوف المباني ... مغطيها السواد .. كل شيء كئيب ... أتلفت و أشوف الشوارع .. كيف متلونه بلون الحزن .. ( حتى الجماد حاس بمر فرقاك ) .....

يا طول الطريق ..

لما وصلنا .. ما أبي انزل .. ما ودي أشوف دليل موته قدامي ..... للحين ... مو مصدق ...

مشيت متمسك بأخوي .. ما أقدر أمشي بتوازن .. رجولي ما أحس فيها .. تبنجت ...
و خطواتي ثقيلة ...

طاحت عيني على إبوه .. هذا هذا إبو بسام .. بودي أروح اسأله ( صح الخبر او يكذبون ) لكن وين .... إستوقفني دموعه .. توقفت و دآآآر راسي .. ( يعني صح الخبر ؟؟؟ )
طحت ع الأرض ماسك راسي ( لا لا قولو إنه حي تكفون ) و صوت البكاء يعلى ..
إخوي يرفعني يضمني و أنا ادفه و أصرخ عليه ( تكذبون )

هديت إشوي .. إستوعبت إني بمكان عام .. و مسكت نفسي قدر المستطاع ..

جاء إخوه ..
( نسخة بسام )
أنا قمت فجأة بدون شعور .. عيوني غرقانه ما أميز .. بس شفت وجه بسام فيه !!
ناديته بصوت : بسام ؟؟؟؟
ابراهيم تلثم لما شافني .. و أخذني لحالي .... و كان ماسك نفسه ..
إبراهيم : تبي .. تشوف .. بسام ؟؟؟
أنا ركزت فيه .. و عرفت انه ابراهيم .....
انكمش قلبي و سألته : وين ه ..؟!!
إبراهيم : تعال .. معي ..

أخذني ....
و دخلني غرفه أو مدري إيش بالضبط .. ما كنت مركز بالمكان .. شفت قدامي شي ابيض .....
ألتفت على إبراهيم : هذا .... هذا بسام ؟
إبراهيم : إيه ..

أبي أمشي .. أبي اسأله .. أبي يتكلم .. أبي ينكر اللي يقولون .. أبي .. و أبي .. و أبي ...........

كل خطوة أمشيها .. كأنها ساعه ..
مابي أوصل ..
لكن الواقع أقوى .. !

وصلت له ..
دققت ب الملامح ...
هذا .... بسام .. !
كأنه نايم .. شكله هادي ..
يعني ... الخبر ... صحيح .. ؟!
هزيته .. ما يرد ..
نآآديته .. مآآ يرد ....

ناديته : بسام ..... رد علي ...
( لا مجيب ) ..
شهقت و دخلت بدوامة بكاء و ضميته بقوة ..
و صرخت صرخه مدويه ...
: بسام !!!
و إبراهيم يشيلني عنه .. و انا متمسك ..
: أتركني ..
إبراهيم : حرام اللي تسويه خلاص أرجوك ..
دفيته بقوة : أتركني خلاص ..
إبراهيم : يبي منك الدعوة .. أكيد ما يرضى باللي تسويه ...
أنا مخنوق : طلبتك إبراهيم أتركني ..
.
أبي أضمه أبي أكلمه أبي أشوفه ..... لكنه أقوى مني .. خلقه مافيني حيل و تعبان ..
طلعني و انا مادري عن أحد بس كل اللي أشوفه وجه بسام ...

جلست عالأرض وانا مو مستوعب .. صعب وربي صعب أشوفه بهالحال .. الموقف أكبر مني ما تحملته ..
غطيت وجهي و هلوست من صدمتي ..
( راح راح ما عاد بالدنيا بسام راح .. ليه بس يا بسام ليييييه رحت و خليتني وحيييد .. ما حفظت بوعدك لي أنك بتبقى معي طول العمر ... ليتني مت قبلك و لا أذوق موتي و أنا حي ! )

خلاص صدقت .. شفته قدامي لا نبض و لا حركه ...
( مآت )
هالجملة تدور في رآآسي .. مو معقول مآآآبي أصدق ... مابي أعرف الحقيقه ....

إبراهيم تأثر من حالي .. و من الكلام اللي يطلع مني بدون شعور ....
و طلع صوت نحيبه ..
و جلس معي ...
كل واحد حآآلة أصعب من الثاني ..

: مشينا نصلي ...
أنا .. راسي بينفجر .. صداع و دوخه ...
قمت غصب عني .. جسمي مشلول ...

بدأو بالصلاة ..
و مادري كيف صليت .. وجهه يراودني كل لحظة ..

رجعت البيت و قفلت ع نفسي الغرفة ..
مابي أحد خلاص كرهت الدنيا كرهت عيشتي مابي أحد غير بسام مابي غيره ...

زادت ضيقتي و همي لما تذكرت كلامه ..
/
بسام : ليتهم لو شافو رجلي مكسورة يرحموني و ينجحوني ب نسبة حلوة ..
/
من تذكرته تفجرت دموعي .....
تكلمت بصوت ..
( تفداك النسبه يفداك النجاح بس أرجع يالغالي إرجع
أعطيك اللي تبي لو روحي ما تغلا بس أرجع طلبتك أسمعني )

أشلون بعيش ألحين أشلون ما تعودت حياة تكون بدونك ؟؟

.

وقتها كان عمري 14 .. أعترف والله إني .. صغير ع الهم .. !


مرت أيام ... لا أكل .. لا شرب .. حابس نفسي .. إن كلمني أحد ما أرد .. المدرسه ما قدرت أروح لها .. و كيف أروح و انا متعود كل صباح أمر عليه آخذة ....
غير هذا .. مكانه بجنبي بالمدرسة اللي راح يكون فاضي .. وينه اللي كان يجلس فيه ..؟؟؟ و كيف أتحمل أجلس و هو مو فيه ؟؟!
كنت أنتظره يرجع من القصيم لآجل يرجع لمكآنه جنبي و نرجع مثل أول !!
قدر الله .. وما شآء فعل ..
كل يوم .. و كل ساعه و كل دقيقه افكر في .. مواقفنا .. جمعاتنا .. طلعاتنا .. سواليفنا .. كل شي ..
جف دمع عيني .. من كثر البكاء ...

غصب .. رحت أختبر الإختبارات النهائيه ..
نجحت بنسبة مرتفعه و مستغرب نفسي كيف جبتها .. 95 % بمساعدة المدرسين و علمهم بظروفي ..

مرت فترة .. و أهلي و أقاربي .. ما يذكرون إسم بسام عندي ..
مره من المرات .. سمعت إسمه يتكلمون عنه ... هاجت نفسي و تذكرته .. و جاني شي عظيم لدرجة التشنج ..
قدر الإمكان أحاول أتجنب أي شي يجيب طاريه .. ذكراه تهيجني و تأثر تأثير قوي ع قلبي ..




راح .. و راحت خيراته ..
راح .. و راحت ذكرياته ..
راح .. و راحت جمايله .. وعضاته ..

بعد .. عدة شهور ..
دخلت الملحق اللي كنا نذاكر و نجلس فيه أول .. واللي تقفل ما أنفتح إلا هاليوم ..
فتحت الباب .. ما ودي أشوف المكآن و أتذكر الماضي .. لكن إلى متى ..!! قدر الله .. نرضى بالمكتوب ..




هذا المكان .. إيه يا دنيا ..
نفس المكان .. فيه تجمعنا ..
فيه ضحكنا .. و تكلمنا .. مر الزمان ..
أوقف .. اتذكرك ..
....
و أناديك .. في كل مره ..
دمعي فضح !!
و إنكشف سره !!
هذا المكان ..
فتح جروحي ..!!
نزفت روحي ..!!
و يصرخ الخافق .. لروحي :
نوحي نوحي !!
هذا الصديق هذا الرفيق !
هذا هو بلسم جروحي ...

نرجع للمكان .. هذا المكان ...
نفس الزمان ..
أجتمع فيه [ إنسان ]
مع أغلى | إ ن س ا ن | !

خلاص بنات هذي نهاية القصة






نفضت راسي من هالأفكار ..
خلاص ( الله يرحمه و يغفر له ) ..
رجعت عيوني تتجول بالغرفة .. أو بالأصح المشب اللي كنا نتدفى فيه أيام الشتاء الباردة ..

و عيوني تدور .. ركزت ع شيء بالطآوله ..
........ الساعه ..!!
هذي الساعه .....
حقت بسام .. اللي كانت عاجبتني وازعجته بها ...
.
تذكرت آخر كلام عنها ...




*****
بسام : هالساعه بتنكسر أو بيجيها شي من عينك .. خذها أصرف ..
أنا : لا .. خلها بس أقولك إنها عاجبتني بالحييل ..
بسام : طيب خذها هديه ما تغلى عليك ..
أنا : ما تقصر والله حرام سعرها يروح فيني : )
بسام : أفا بس والله تستاهلها ..
أنا : تسلم ..
.
كان مصر إني آخذها لكن أنا رافض لأن سعرها مو سهل ...

و تركها هنا آخر مرة زارني .. ما كنت أدري إنه تاركها .. إلا لما شفتها ..

دمعت عيني ..
و صرخت من جوا ....
ليتك موجود ..
( ليت كلمة صعبة هاللحظه )

خليتهم ... يرتبون المكآن ..
كان حوسه بشكل و مغبر ...

بعد ما خلصو ..
أعطوني جوال سوني أريكسون .. و قالو إنه موجود تحت المرآتب والكنبات ..

شفته و ليتني ما شفته ..
جواله ..
جواله اللي كان ضايع و لا لقاه ..
مرت سنه عليه هنا ..
.
تذكرت كلامه ......

******
بسام : أحسن شي إنه ضاع أبي أشتري غيره ..
أنا : حسافه ..
بسام : بكييييفه .. قديم ..
أنا : الأرقام كلها فيه صح ..! طارت ..
بسام : نسجلها من جديد وش المشكله .. أهم شي أشتريت جوال جديد ..

.
.

لا الجوال و لا الساعه .. ليتني ما شفتها .. ضاقت علي الدنيا بهاليوم .. و رجع للصدر همومه ..

كل هذا غير الدفاتر و الذكريات و حركآت أول .. اللي كلما دخلت غرفتي لازم أشوفها ..
كنت بحط صور ل بعض هالذكريآت .. لكن ما حبيت الفكرة ..
خليها مدفونه جوا الدولات أحسن لا تطلع ..

/
/
/
/
/

بعد وفاة بسام بفترة ما أتذكر كم .. لكن كان بوقت رجوع حالي الطبيعي لي .. و بديت أدخل مع الناس بعد ما تقوقعت عنهم فتره طويله ..

أتصل علي إبراهيم .....
أستغربت إتصاله ... من بعد وفاة بسام .. قطعتهم و لا صرت أشوفهم ...
بعد السلام .. و السؤال عن الحال ..
إبراهيم : وينك ما عاد شفتك .. تقطعنا كذا .. كم شهر ما شفناك ؟ و كلما بغيت أقابلك تصرفني ...
أنا سكت .......
( الصدق ... بسام و أخوآنه يتشابهون كثير .. و أقرب واحد لملامح بسام هو إبراهيم اللي أكبر منه بسنتين ) ....
عشان كذا أنا أصرفه مابي أشوفه و أتذكر بسام .. عارف عمري بتأثر لا شفته ...

نرجع للمكآلمه ..
إبراهيم : أكلمك أنت معي ؟؟
أنا استوعبت : إيه كمل وش اتقول ؟
إبراهيم : الأن ودي أجي أشوفك ..
أنا : الله .. يحييك يا هلا بك .. أنتظرك ..
.
الصدق ما كنت حاب فكرة إنه يجيني .. مابي أشوفه بنفجر ..
.
لما وصل البيت ..
إبراهيم : يالله حيوه ..
( أنتبهت للكلمة ! هذي دآيم بسام يقولها ... تضآيقت و أعتفس وجهي )
أنا : ربي يحييك .. شرفتنا نور البيت ..
( من أول ما جا وأنا ما رفعت عيني عليه مابي أشوف وجهه )
إبراهيم : وش فيك ؟
أنا : ها ؟
إبراهيم : كانك مرتبك ؟؟ هي أول مره تشوفني ؟؟؟
أنا أطالع الجدار : ليه ؟ ملاحظ ؟
إبراهيم : طالعني طيب ..
رفعت عيني له .. و شفت ملآمحه .. جا في بآلي وجه بسام آخر مره شفته ....
إبراهيم : ؟؟؟؟؟
أنا بدون شعور : والله أنك مره تشبهه ...
إبراهيم تغير وجهه : الله يرحمه ..
سكت شوي بعدين كمل : لو تبيني أكون بدل بسام أبشر ..
أنا دمعت عيني : لو .. ألف الدنيا و أدور ما ألقى مثله ... حتى لو إنت حاولت .. والله ما تجي ربعه .. هو صاحبي الأول و الأخير ..
إبراهيم أنزعج من كلامي : الدنيا ما تتوقف هنا .. قدامك الطريق .. لا تخلي اليأس يتملكك ....
( الصراحه ماسك نفسي بقوة .. سيرة بسام فتحت جروح .. و لو إن إبراهيم مو موجود كان أنفجرت )
مد لي يدة ..
إبراهيم : هذا جوال بسام ..
أنا تنحت : ليه أنا .. بالذات ؟
إبراهيم : ما ودنا نبيعه .. غير كذا .. أنت أولى من غيرك ياخذة ..
أنا سكت ما رديت عليه .. يمكن بسام ما يرضى أحد يآخذه .. لأنه كان يحب هالجوال كثير ..
( أستغربت تفكيري الغبي )
إبراهيم : هذا الجوال بين يديك ما حركناه أبد .. سو فيه اللي تبي .. لكن لا تعطيه أحد ... إذا ما تبيه باخذة أحتفظ به عندي ..

أنا .. أخذته .. بدون تردد .. أكيد أبيه .. عشان أتذكره ما أنساه .. يكفي فيه لمسات الغالي ..
.
كلمتين .. و بعدها طلع من عندي إبراهيم ..
.
.
فتحت الجوال عشان أستخدمه ..
أول ما فتح .. وصل مسج ...
فتحته .. المرسل حمد
المحتوى :
( وينك يا قاطع ما تسأل و لا شي نهون عليك - ليه جوالك مقفل ؟ )

عورني قلبي ع المسج و ضييق صدري بالحييييل ..
حمد واحد من أخوياه بالقصيم .. ما عرف بخبر وفاتة ....

رديت عليه ..
( بسام بن .... ال .... يطلبك الحل .. والله يرحمه )

فتحت الذاكرة ..
الرسايل المرسله قريتها ..
كلها سوآليف ..
جتني ضيييقه ... و رجع لي الهم ثاني ..
.
حولت ع الصور .. صور له و لأخوانه و أخوياه ..
دمعت عيوني .. ( توي نسيتك و أرجع أتذكرك )
الله يرحمك ..
ما قدرت أكمل .. ما أتحمل هذا كله ..
كسرت الذاكرة عشان ما أرجع افتحها من جديد ..
و شلت الشريحه .. و رجعتها لإخوه ..

.

أستخدمت الجوال .. و أشتريت بعده كثير لكن ما غيرته .. هو الأساسي .. خرب وتكسر لكن متمسك فيه ..
طبعا غير القديم اللي لقيناه بالملحق ..

.
.
.
.
.

بسام مالك قلوب الناس .. لطيب أصله و تواضعه .. و حبابته ...
أول هالناس هو [ إبوي ] ..
ما كآن يبيني أصآحب غيره ..
يحبه و يعتبره زي ولده ..
نادر إبوي تعجبه الشخصيات .. بس بسام غير ...
و من حبه له ..
بعد وفآته ..
بنى له مسجد في أبها ..
الى الأن و هم يبنون فيه ..


و أرسل مجموعه ل أفريقيا .. تحديدا .. إلى ( سيراليون )
و بنو له جامع هناك ..
إنتهوا من بنآيته قبل أقل من السنه ..

.
.

كثير سأل كم مضى على هالحدث ..

مر عليه سنتين و شوي ..

و الأن عمري 17 أدرس بثآلث ثآنوي .. أصغر من بسام بسنه تقريبا





الى هنا انتهى سرد القصه ...

يعطيكي العافية
مع حبي^^^

الله يعافيكي قلبي

يعطيــــــــــــــــــــــــــــــــــــكـ العـــــــــــــــــــــــافيــهـ ‘
يــــــــــــــــارب‘
*
*
عــلـى المــوضـــوع الآكثـــر‘
مــــن رائــــــــــــــــــــــع‘
*
*
تقبــــــــــــــــل مــــــــــــــروري‘
*
*
لــــــــــــــــــــــوتـي فـــــــــــــــــــــروتـي
‘‘