السلام عليكم و رحمة الله و بركاته
اولا الموضوع الي كتبته مو قصدي تريقه او شيء
ثانيا الهدف من طرحي لهذا الموضوع انو في بنات او بنين ما يقدرو قيمة العلم الا من رحم الله
ثالثا حبيت اوريكم نموذج كلنا و اغلبنا نعيشه كل يوم في الصباح
اتمنى تكونوا فاهمين قصدي
*****************************************
البداية مع التفتيش :
ليش مريولك موديله كأنو فستان زواج ؟ أبله هذا ستايلي ..
ليش حاطة عدسات زرقا ؟ أبلة لون عيوني هادا .. امي اوروبية .:12:-
ليش كل هادا الكحل ؟ أبلة عيوني كحلية طبيعيا
ليش المناكير ؟ أبلة هادي حنة سوداني مو مناكير .
ليش ما تقولي تحية العلم ؟ أبلة حلقي يعورني .>> ههههه ومن الجهة
التانية صوتها وهرجاتها واصله لآخر صف ..
ليش تتكلمي بدل ما تستفيدي من الإذاعة ؟ أبلة مو انا بس كل الصف ..
بعدين الإذاعة مكررة هيا وفقرة هل تعلم السخيفة
ليش كل هادا المكياج ؟ أبلة امس كان زواج ولد عمي لين الفجر وما
لقيت وقت عشان أشيله ....!!و طبعا في بنت رقيقة تصيح ..
وفي بنت دفشة بكرة تجيب القبيلة كلها تشتكي .هههههههههههههه
وما ننسى حركة التنقلات المستمرة .. مثلاً فلانه الدبة لما كانت في
التنوية (الثانوية يعني بس بلهجة اهل الحجاز) كل يوم تتنقل طابور غير حتى يمكن طابورها ما تعرفو
فين أبله سيتوبلازم ؟ مو واقفة جمب العمود أكيد غايبة اوكي الحصة
الأولى فاضيين . يا سلااااااام
فين أبله "قد اعذر من انذر" ؟ هادي عندها مناعة طبيعية ماتمرض عشان
تغيب هي و صحبتها نو بودي...
فين أبله الحجم العائلي ؟ اوف كمان جاية .. لا وتطالع عليا كمان
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية دمعة بدل أرنوبها القديم وتتكلم مع زوجها
في الطابور لتضمن أكبر عدد من الناس شافوها ..تنزل اعلان في الجريدة يكون أحسن .
ودحين قبل لا نخلص نشوف هرجات الدلوعات :
أمس رحت زواج جيراننا لبست فستاني الجديد التركواز والاكسسوارات
اللي دوبي مشتريتهم من كليرز وصندل فرساتشي اللي اشترالي هوا أخويه من لندن هههه .. وكل
الناس تطالع عليا كاني انا العروسة .يييييييييييييييييييييييييييياي
تدري مع مين هرجت أمس بالشات ؟مع لبناني وحاط صورته مره يدوب
شعر اشقر و عيون خضرا .
و نخلص بالبنات اللي اختصاصهم الحش :
شفتي فلانة امس فاتحة شعرها كأنو خرطوم حريق.
ولا علانة اللي كانت عايشة في ماليزيا اليوم جايه بقميص صوف والحرارة 40 درجة غبية
ولا مجموعة شغالات الصف " هدولا اللي يلمو الدفاتر و يجيبو المسجل
أو اللوحة للأبلة " الصباح لقيتهم ينظفو السبورة .. والله ينرحمو
و في النهاية تجي معلمة قلم ماشي و تقول : فين انتوا في سوق سمك ؟
ونحنا نقوم نضحك كالعادة ...
ولازم كل سبت وربوع أنا وفلانة وبقية الشله عند المديره" دايما نلبس كوتش رياضي وهادا ممنوع "
وبعد اسبوعين استدعاء للطرد وهذا المطلوووووب
خخخخخخخخخخخخخخخخخخخخخخخخخخخ
احنا نقول الحمد لله على الصحة العافية و العقل
السبت يونيو 04, 2011 10:38 am من طرف 
الموقع
